”მოგესალმებით,
გილოცავთ, თქვენ წარმატებთ გაირეთ შესარჩევი კონკურსი ბათუმის საავტორო კინოს ფესტივალზე დაგეგმილი ვორქშოფისთვის “სოციალური მედიის მნიშვნელობა, კულტურული ღონისძიებების მარკეტინგში”
ეს მესიჯი დაახლოებით თვენახევრის წინ მივიღე ელექტრონულ ფოსტაზე და მას შემდეგ დავიწყე კალენდარში დღეების აღრიცხვა BIAFF ის ფესტივალისა და ვორქშოფის დაწყებამდე.
დღეს 17 სექტემბერია, ფესტივალის პირველი დღე, როგორ მინდა მეც იქ ვიყო, მაგრამ უამრავი საქმე დამემთხვა: ESM ის სადიპლომო პროექტი, ახალდაწყებული სამსახური და ა.შ.მოკლედ ის მაინც მოვახერხე,რომ 15-16 სექტემბრის ვორქშოფსა და ფესტივალის გახსნას დავსწრებოდი.
რაც შეეხება 15-16 სექტემბერს, ეს იყო კონკრეტულად ბლოგერებისთვის დაგეგმილი ვორქშოფი ,რომლის მიზანიც კულტურული ღონისძიებების სოციალურ მედიაში გაშუქების best practise ბის განხილვა და ახალი საინტერესო იდეების გენერაცია იყო, BIAFF სოც.მედიის კამპანიისთვის.
ესეც BIAFF ის ადმინისტრაციისა და ბლოგერების შეხვედრა-ვორქშოფი, სასტუმრო City Star ში
მე პრეზენტაციისას
16 სექტემბერს საღამოს 7 საათზე ყველანი კინოთეატრ აპოლოში შევიკრიბეთ ფესტივალის გახსნის ღონისძიებისთვის. ფილმის ჩვენებამდე სპეციალური ჯილდოები გადაეცათ ცნობილ ქართველ რეჟისორს, ელდარ შენგელაიას და თურქ რეჟისორს ნური ბილჟე ჩიმანს, კინემატოგრაფიაში შეტანილი მნიშვნელოვანი წვლილისთვის.
აქვე მინდა აღვნიშნო,რომ ფესტივალის ფარგლებში სასტუმრო Radisson Blue Batum ში დაგეგმილია მასტეკლასების ჩატარება,რომელსაც ზემოთ ჩამოთვლილი რეჟისორები გაუძღვებიან.დასწრება თავისუფალია და შეუძლია ნებისმიერ თქვენგანს, რომელიც დაინტერესებულია კინოხელოვნებით.
ფესტივალის ფარგლებში გაიმართება მხატვრული,დოკუმენტური და მოკლემეტრაჟიანი ფილმების კონკურსი. მხატვრული ფილმების კონკურსის ჟიურის თავმჯდომარე წელს ელდარ შენგელაიაა.
რაც შეეხება გახსნას, აქ ნაჩვენები იყო პოლონელი რეჟისორის იერჟი ჰოფმანის ფილმი ”ვარშავის ბრძოლა 1920” 3D ფორმატში, რომელზეც ცალკე დავწერ უფრო ვრცლად. მოკლედ კი შემიძლია ვთქვა,რომ ბევრი კრიტიკა დაიმსახურა ფილმმა, თუმცა საკმაოდ ემოციური დ შთამბეჭდავია, ყოველშემთხვევაში ჩემი პერსონალური შეფასებით:).
ეს კი გახლავთ ბათუმის VII საავტორო კინოფესტივალის განრიგი,რომლითაც შეგიძლიათ იხელმძღვანელოთ , ფესტივალზე დასწრების სურვილის შემთხვევაში.
ეხლა კი მინი ფოტოსესია სპეციალურად თქვენთვის 🙂
ეს ფესტივალის ბანკეტის ტორტია, რომლის გასინჯვაც სამწუხაროდ ვერ მოვასწარი ,რადგან თბილისში დავბრუნდი გახსნის ღამესვე.
ეს რაც შეეხება გახსნას, უახლოეს დღეებში კი დავწერ ჩემს შთაბეჭდილებებს ფესტივალის გახსნაზე პოლონელი რეჟისორის,იერჟი ჰოფმანის მიერ წარმოდგენილ ფილმთან, ”ვარშავის ბრძოლა 1920” თან დაკავშირებით
16-23 სექტემბერს ბათუმი უკვე VII ედ მასპინძლობს ბათუმის საავტორო კინო ფესტივალს . ფესტივალი 2010 წლიდან ატარებს კონკურსს ბლოგერებისთვის, ყველაზე საინტერესო და ორიგინალური გაშუქებისათვის კი ექსკლუზიური ბლოგერის სტატუსსა და კინოფესტივალზე დასწრების ხარჯებს სრულად უზრუნველყოფს.
შარშანდელი კინოფესტივალის გამარჯვებული ბლოგერები არიან ან ნა, გოჩა, მარიამი და ნინი, რომლებსაც წლევანდელ ფესტივალზე მთლიანად უნაზღაურდებათ კინოფესტივალზე დასწრების ხარჯები:*
წელსაც გამოაცხადეს კონკურსი ბლოგერებისთვის ორდღიან ვორქშოფზე “სოციალური მედიის მნიშვნელობა, კულტურული ღონისძიებების მარკეტინგში” დასასწრებად და რა თქმა უნდა ძალიან გამეხარდა, როდესაც ვორქშოფის მონაწილე ბლოგერებს შორის აღმოვაჩინე საკუთარი თავი:).
ვორქშოფი 15-16 სექტემბერს გაიმართება ბათუმში და ფესტივალის ადმინისტრაცია მონაწილე ბლოგერებისთვის უზრუნველყოფს ტრანსპორტირებას, სასტუმროში ცხოვრების ხარჯებს და სურვილის შემთხვევაში კინოფესტივალის აკრედიტაციას.მადლობა ადმინისტრაციას:*
3 საუკეთესო ბლოგერი კი,რომელიც ყველაზე საინტერესოდ შეძლებს ფესტივალის გაშუქებას 2013 წელს ექსკლუზიური ბლოგერის სახელით ისარგებლებს და შარშანდელი გამარჯვებულების მსგავსად მათაც სრულად აუნაზღაურდებათ კინოფესტივალზე დასწრების ხარჯები.
მოკლედ დანარჩენი 15-16 სექტემბერს:)
რამდენიმე დღე ვასტატუსებდი სოციალურ ქსელში განძის საძიებო სპეც-ოპერაციის შესახებ, რის შემდეგაც ყველა ვინც ჩემი უფლისციხის ვოიაჟის შესახებ იცოდა სათითაოდ მეკითხებოდა ვიპოვნე განძი თუ ვერ:).
მეგობრებო, ეს არ იყო განძის საძიებო სპეც-ოპერაცია, ეს მხოლოდ და მხოლოდ საქართველოს კულტურული მემკვიდრეობა -ის მიერ სპეციალურად ბლოგერებისთვის ორგანიზებული თამაში იყო. მოკლედ ყველაფერს მივყვები ქრონოლოგიურად.
საქართველოს კულტურული მემკვიდრეობის დაცვის ეროვნული სააგენტო -მ უკვე ყოველწლიურ ტრადიციად აქცია უფლისციხეში სათავგადასავლო თამაშების ორგანიზება. პირველად შარშან ჩატარდა განძის ძიების ექსტრიმ ტური , მონაწილეები ბიზნეს სექტორის წარმომადგენლები იყვნენ,წელს კი სააგენტომ ბლოგერებზე შეაჩერა არჩევანი, რისთვისაც დიდი მადლობა მათ:).
სანამ განძის საძიებლად წახვალ ცოტა ვიკიპედიასაც უნდა გადახედო:), მეც გადავხედე და ვნახე, რომ საუკუნეების წინ ქალაქ უფლისციხეს სტრატეგიული სამხედრო მნიშვნელობა ჰქონდა, ომებისა და შემოსევების დროს კი მოსახლეობის ’’სახიზარი’’ ადგილი იყო. ეს იყო კლდეში ნაკვეთი ქალაქი, დასახლება, სადაც სხვადასხვა ტომები სახლდებოდნენ.დაახლოებით ასე გამოიყურებოდა ქალაქი თავისდროზე:
ეს კი ჩემი გადაღებული ფოტოები:
ყველაფერი ძალიან კარგად იყო ორგანიზებული, ერთადერთი ცოტა გვიან მოგვიწია ქალაქიდან გასვლა, ისიც ჩვენი მიზეზით, გვიან შევიკრიბეთ. განძის მაძიებლები დამეთანხმებიან,რომ საკმაოდ მხიარულად ვიმგზავრეთ:)
ჩასვლისთანავე დაგვხვდნენ მობილიზებული საქართველოს კულტურული მემკვიდრეობის დაცვის ეროვნული სააგენტო -ს თანამშრომლები, რომლებმაც კიდევ ერთხელ გაგვაცნეს თამაშის წესები.თამაში მთავარი პრინციპი იყო,რომ მაქსიმალურად მცირე დროში გადაგელახა დავალებები.
წესები იყო შემდეგი:
მონაწილეობდა 6 გუნდი, თითოეულ გუნდში იყო 2 ბიჭი და 1 გოგო. ამ შემთხვევაში მე ვიყავი თემუჩინი და ცოტნე -ს გუნდში. ბიჭები იწყებდნენ სირბილს უფლისციხის მუზეუმ ნაკრძალის სოფლის ნასახლარიდან ნაკრძალის გარე ტერიტორიამდე, საიდანაც აგრძელებდნენ ხტუნვას ტომრებით ცისკარას კანიონის გადასხვევამდე.
შემდეგ დამხმარე ბაგირის საშუალებით ძვრებოდნენ კანიონში,სადაც უკვე ველოდებოდით ჩვენ, გოგოები.დაახლოებით ასე მოიწევდნენ გამოქვაბულისკენ ქანცგაწყვეტილი ბიჭები,ჩვენ კი ასე ვამხნევებდით შორიდან:)
ამის შემდეგ ვიწყებდით გამოქვაბულის ტერიტორიაზე სხვადასხვა ადგილას ჩამაგრებულ საქართველოს დროშების შეგროვებას და მივრბოდით ხიდისკენ, სადაც მაქსიმალურად სწრაფად უნდა გავმძვრალიყავით თოკებისგან გაკეთებულ ბადეში.
აქ უკვე ესტაფეტას გადავცემდით მესამე მონაწილეს,რომელსაც საკმაოდ რთული მისია ეკისრა, ხიდიდან გარბოდა გამოქვაბულისკენ,სადაც პოულობდა მინიშნებას, მის მიხედვით კი სკივრის გასაღებს, შემდეგ გვირაბით ეშვებოდა ნასოფლარის ტერიტორიაზე და ეძებდა საფლავის ქვას, რომლის ქვეშაც მოთავსებული იყო სკივრის გასაღები. ჩვენ კი უკან დავეშვით საწყისი წერტილისკენ:)
მესამე მონაწილე გასაღების სანაცვლოდ ორგანიზატორისგან იღებდა ველოსიპედს, რომლის მეშვეობითაც მაქსიმალურად სწრაფად მიდიოდა ფინიშთან სკივრის გასაღებად.
ამ რთულ დავალებას წარმატებით გაართვა თავი ჯესის, შუბლაძის და ტიმის გუნდმა, რასაც მოჰყვა შამპანურების ჩანჩქერი , წუწაობა და გამარჯვების სიმბოლოსთან ფოტო-პოზიორობა:)
თამაშის შემდეგ დაღლილებმა, მშიერ-მწყურვალებმა გადავინაცვლეთ წყლის პირას , სადაც დაგვხვდა გაშლილი სუფრა, ახალ დაჭერილი კეფალი, მწვადი და სხვა გემრიელობები.დაახლოებით ასე გამოიყურებოდა ჩვენი სუფრა 10 წუთის შემდეგ:)
მოკლედ პირადად მე ძალიან მომეწონა უფლისციხეც,( სადაც სამწუხაროდ არ ვიყავი ნამყოფი) და განძის ძიების თავგადასავალიც, ასე რომ სულაც არ მინანია შაბათს დილას 7 საათზე რომ გამაღვიძა ცოტნემ🙂
ცეკვა სიმღერით ჩამოვედით თბილისში და after party გავაგრძელეთ beer fest ზე.
არ მინდა სათაურივით ბანალურად დავიწყო წერა,რომ კახა ბენდუქიძე მსოფლიოში ყველაზე ჭკვიანი და საინტერესო ადამიანია ,რომ სულმოუთქმელად ველოდი მასთან შეხვედრას და ასე შემდეგ… უბრალოდ იმით დავიწყებ,რომ ამ შეხვედრაზე წასასვლელად ძალიან მნიშვნელოვანი საქმიანი შეხვედრა გადავდე:)
კახა ბენდუქიძის ბლოგერებთან შეხვედრა განახლებულ აგრარულ უნივერსიტეტში გაიმართა და შეიძლება ითქვას,რომ სხვაობა ძველსა და ახალ აგრარულს შორის ნამდვილად შთამბეჭდავი იყო. შედეგი იხ.ქვემოთ:
განახლებულ აგრარულში სწავლა ძალიან კარგი შანსია მათთვის,ვისაც მართლა უნდა ცოდნის შეძენა და ცუდი შანსი მათთვის,ვინც მხოლოდ დიპლომის ყიდვაზე ოცნებობს .აქ ერთერთი ყველაზე მიმზიდველი ფასია,რადგან უნივერსიტეტი კეთილმოწყობილი და აღჭურვილია,სწავლისადმი მიდგომა შეცვლილია და სწავლის ღირებულება მხოლოდ 2450 ლარს შეადგენს.
სამწუხაროა ის,რომ გამოცდებისა და სესიების დროს აგრარულის ეზოში თქვენ ვეღარ იხილავთ გოჭებითა და ინდაურებით გაძეძგილ მანქანებს,რომლებიც რაოდენობის და წონის მიხედვით,სხვადასხვა ნიშნის მიღებას ემსახურებოდა.
სამაგიეროდ თქვენ აქ იხილავთ განახლებულ ლაბორატორიებს,კარგად აღჭურვილ საგამოცდო დარბაზს,სასიამოვნო და მყუდრო ინტერიერს.( p.s ეხლა დაიწყებენ ბენდუქიძემ მოისყიდა ბლოგერებიო,შეუკვეთა პოსტებიო და ა.შ. მსგვასი შეკითხვის ავტორებმა დეტალური ინფორმაციის მისაღებად მომმართეთ ელ.ფოსტაზე tikogholadze@gmail.com )
რაც შეეხება ბატონ კახას,რაც არ უნდა ბანალურად ჟღერდეს ნამდვილად არის საინტერესო მოსაუბრე .ბევრ საკითხზე გვესაუბრა,თუმცა ერთ-ერთი მათგანი კარგად დამამახსოვრდა ,შეიძლება იმიტომაც,რომ ბიზნეს ფაკულტეტზე ვსწავლობ:)
ბატონი კახას მოზარებაა, რომ ბიზნეს ფაკულტეტზე უნდა ისწავლონ მხოლოდ სფეციფიური უნარების მქონე ადამიანებმა,რომელთაც გააჩნიათ მოლაპარაკებების,ვაჭრობის,შესყიდვების, გაყიდვების თუ სხვა გამორჩეული უნარები .თვლის,რომ მათემატიკურ უნარებზე მნიშვნელოვანი ესაა.
როგორც გვითხრა ამ ბოლო დროს ფიზიკის ფაკულტეტი საკმაოდ აქტუალური გამხდარა.რატომაც არა,პერსპექტივა საკმაოდ დიდია,გააკეთეთ phd ფიზიკაში და გზა ვოლ სტრიტისკენ გაკვალული გექნებათ.
თურმე ფიზიკოსები ბევრად მეტი პოპულარობით სარგებლობენ საზღვარგარეთ ბიზნესში ვიდრე მათემატიკოსები,რადგან მცირე დროში რეალური გადაწყვეტილებების მიღებას არიან მიჩვეულნი,მათემატიკოსები კი ხშირ შემთხვევაში უფრო შორეულ პერსპექტივებს ანიჭებენ უპირატესობას .
როდესაც ვკითხეთ როგორ ადამიანებს ურჩევთ ბიზნეს ფაკულტეტზე ჩაბარებასო, მაგალითად მისი დისშვილიშვილი მოიყვანა ,რომელიც თურმე უკვე სრულად განკარგავს და გეგმავს ოჯახის ბიუჯეტს და არის ოჯახის ოფიციალური წარმომადგენელი ყიდვა გაყიდვისა თუ მოლაპარაკებების სფეროში:) მხოლოდ ასეთი ადამიანებისთვის აქვს აზრი უნარებს დაამატონ ბიზნეს განათლებაო და სრულიად ვეთანხმები. მეც ვფიქრობ,რომ შესაძლებელია უნარების დახვეწა და განვითარება და არა სრულად შეძენა.
კრეატივი ლათინური სიტყვაა და ქართულად ’’ავეჯის გადაზიდვის სერვისის , 25-60-60’’ ის რეკლამას ნიშნავს..
დარწმუნებული ვარ დღემდე ყველას კარგად გახსოვთ ეს უნებლიე კრეატივი,რომლის წყალობითაც აღნიშნულ კომპანიას უკვე თამამად შეიძლება ვუწოდოთ ბრენდი 🙂
მემგონი ზემო აღნიშნული ნათლად ასახავს კრეატიული რეკლამის გავლენას კომპანიის და მისი პროდუქტების ცნობადობის ,პოპულარიზაციის თუ ბრენდად ჩამოყალიბების პროცესზე.
წარმოგიდგენთ რამოდენიმე ნაცნობ-უცნობ რეკლამას,რომლებიც ამ ეტაპზე ჩავთვალე თქვენი ყურადღების ღირსად 🙂
ყველასთვის კარგად ნაცნობი საქართველოს ბანკის I საახალწლო რეკლამა, რომლის ძირითადი იდეაც არის ის,რომ საქართველოს ბანკი TBC ბანკს ტ%&-ს:)
ადიდასის რეკლამა – დაგეხმარებათ მარტივად დაიმახსოვროთ ადიდასის ლოგო:)
ცნობილი AXE Effect,რომელსაც მემგონი ყველაზე მეტი რეკლამა აქვს გადაღებული:) რეკლამის გვასწავლის იმას,თუ როგორ უნდა მოვხიბლოთ წამებში საწინააღმდეგო სქესი ,ისე რომ ჰამბურგერში კეჩუპით ჩაგვიწეროს ტელეფონის ნომერი:D
და ბოლოს ლუდი Amstel ის რეკლამა,რომელიც კიდევ ერთხელ ნათლად წარმოაჩენს,რომ კაცებს უპრობლემოდ შეუძლიათ ჩაგვაშხამონ ყველაზე რომანტიული წუთები ერთი ბოთლი ლუდის გამო:)
პრაიმ ტაიმს და ჟურნალ თბილისელებს თუ აქვთ უფლება,სკანდალური სათაურები გამოიყენონ,მკითხველის ყურადღების მისაპყრობად,ერთხელ მეც მივინიჭებ ამ უფლებას :):)
ყველაფერი კი ასე დაიწყო:)
წელიწადში რამოდენიმეჯერ ქართული ბლოგინგის სამყარო ერთიანია:) ძალიან მიყვარს ხოლმე ეს შეკრებები,ერთ-ერთი ასეთი მაშტაბური ’’ერთიანობა’’ ქართული ბლოგინგის დღეებზე შედგა:). მას შემდეგ ბევრი კარგი ნაცნობი და რამოდენიმე მეგობარი შევიძინე,რომლებსაც სისტემატიურად ვნახულობ მკაცრად დაწესებულ ყოველთვიურ შეკრებებზე:)
ეხლა თანმიმდევრულად მივყვები ქრონოლოგიას:)
სოციალური კვლევების და განვითარების ფონდმა გამოაცხადა კონკურსი ’’ბლოგერების ბოულინგის ჩემპიონატისთვის’’.აპლიკაციის ერთერთი პუნქტი მოითხოვდა კრეატივის გამოვლენას,ანუ უნდა დაგეწერა ,რატომ უნდა გაეკეთებინათ არჩევანი შენზე. მე აი ასე მარტივად და კრეატიულად ვუპასუხე,რომ ბოულინგის თამაში არ ვიცი და ჩემი თამაში მაყურებლის ღიმილს გამოიწვევდა :):) ნუ სხვა რაღაცაც დავწერე,რაც თქვენ ნაკლებად დაგაინტერესებთ.
მოკლედ რა მნიშვნელობა აქვს,მთავარია,რომ რამოდენიმე დღის შემდეგ ჩემს ტელეფონზე მარი მელქაძის ნომერი დავინახე და მივხვდი,რომ ბლოგერების ბოულინგის ჩემპიონატში ვმონაწილეობდი.
დათქმულ დროს( ნუ ცოტა დაგვიანებით:)) გამოვცხადდი ბოულინგ ცენტრალში .
ისე აგიხდათ ყველაფერი კარგი,როგორც მარი მელქაძეს აუხდა, რომ მოთამაშეებს გავაღიმებდი ჩემი თამაშის უცოდინრობით:)
მოკლედ დამაგვიანდა , ოპერატორს ეკრანზე შეჰყავდა იმ მოთამაშეების სახელები,რომლებიც ერთ გუნდში თამაშობდნენ,ამ შემთხვევაში გუნდი 10:).მე ჩემი გუნდის ნომრით დაგვიანებით მივიჭერი 10 გუნდში:) რამოდენიმე წუთი პატიოსნად ველოდე ჩემი სროლის რიგს,თუმცა რომ აღარ და აღარ მოვიდა ჩემი რიგი,ეხლა მე ვისვრი მეთქი გამოვაცხადე და ვისროე,მაგრამ ნეტავი საერთოდ არ მესროლა:) ბიჭებს არაფერი არ უთქვიათ,მაგრამ გაოგნებულები გაჩერდნენ,ეს რაებს სჩადისო:):) შემდეგ კი რიგის მოლოდინით დაღლილმა შევთავაზე რიგითობა დაგვეწესებინა ბურთის სროლაზე , რის შედეგადაც ზემოთ ამახედეს და ეკრანზე განთავსებულ მოთამაშეთა სახელებზე მიმითითეს:):),რომელშიც არ ვიყავი დაგვიანების და გამო:):)
საბოლოო ჯამში ძალიან კმაყოფილები დავრჩით ყველა,ჯერ ბოულინგი ვითამაშეთ,რომელშიც თავისთავად ბოლო ადგილი ავიღე:),მერე ბილიარდი.ამას მოჰყვა ფურშეტი,დაჯილდოება და თამაშები,რომლის ვიდეოც გადავიღე და ექსკლუზივად შემოვინახე:)
იცით, რომ 31 ოქტომბერს ჩვენს პლანეტაზე მცხოვრებთა რაოდენობამ 7 000 000 000-ს მიაღწია?:)
ეს ნიშნავს, რომ ყოველ დღე მსოფლიოში 400 000 -ზე მეტი ბავშვი იბადება, მაგრამ მათი 30% HIV-დადებითია, ყოველი მესამე კი ოჯახური ძალადობის ფონზე იზრდება.
ცოტა ხნის წინ გავიარეთ ტრენინგი (GYDEA-ს ორგანიზებით) და უნდა ვაღიარო, რომ პირველად ამის მერე დავფიქრდი პრობლემებზე, ჩვენს ირგვლივ რომ არსებობს, თან ისე მყარად, რომ ხშირად დოგმად აღიქმება და შესაბამის რეაგირებასაც არ იწვევს.
ალბათ უკვე იცით პროექტის ”სპილო ოთახში” შესახებ, კონკურსი 1-დან (შიდსთან ბრძოლის საერთაშორისო დღე) 10 დეკემბრამდე (ადამიანის უფლებების დაცვის საერთაშორისო დღე) გრძელდება და მთავარი მიზანი სწორედ ამ პრობლემების წარმოჩენას, მოსახლეობის ინფორმირებულობის გაზრდას და გამოსავლის გზების მოძიებას გულისხმობს. ამ 10 დღის განმავლობაში 10 ჯგუფი წარმოადგენს მაქსიმალურად კრეატიულ და ინტერაქტიულ აქციას სხვადასხვა თემაზე ფოტორეპორტაჟთან და სტატიასთან ერთად.
პროექტის ორგანიზატორები გაეროს მოსახლეობის ფონდი (UNFPA), კონფლიქტებისა და მოლაპარაკებების საერთაშორისო კვლევითი ცენტრი (ICCN), ახალგაზრდების განვითარებისა და განათლების ასოციაცია (GYDEA) და კავკასიის სოციალური მარკეტინგის ასოციაცია (CSMA) არიან.
კონკურსის პრეზენტაციაზე დიდხანს მსჯელობდნენ მსოფლიოში მისი ანალოგი არსებობს თუ არა; არ ვაპირებ ინფორმაციული ზეწოლის ქვეშ მოგაქციოთ:) მაგრამ ინტერნეტსივრცეში არსებულ მასალებს თუ დავეყრდნობით, პროექტი მართლა უნიკალურია, 1 დეკემბერს ”მეგობარი” გუნდის აქციაზე დასწრების მერე კი მივხვდი, ინფორმაციულად ”ბრმა” ადამიანების რაოდენობა იმდენად დიდია, რომ უნიკალურობასთან ერთად, ის ძალიან საჭირო და დროულიცაა.
მოკლედ, ჩვენს ჯგუფს მუშაობა გენდერული ძალადობის თემაზე მოუხდა; როგორც კი ვიწყებ ამაზე ლაპარაკს, მაშინვე საწინააღმდეგო სქესის პროტესტი ჩნდება ხოლმე – ”სად ნახეთ დაჩაგრული ქალები?”, ”თუ ვინმე მოძალადეა, თქვენ მაინც ვერ შეცვლით” – და მსგავსი შინაარსის ტექსტებით, რაც ჩემთვის კიდევ უფრო წევს (რა თქმა უნდა მაღლა:) პროექტის ღირებულებას და მარწმუნებს, რომ იმდენად ყოველდღიური გახდა კონკრეტული ფაქტები, გენდერულ ჩაგვრად აღარც ვთვლით და პროტესტის გრძნობაც ზედმეტად მიგვაჩნია.
ბევრს აღარ დავწერ ჩვენს თემაზე, ყველაფერს ისედაც ხვალ აქციაზე, პროექტის ბოლოს კი – გამოფენაზე ნახავთ:) გუშინ წარმოდგენის დეტალებზე საბოლოოდ შევთანხმდით და დღეს ფოტორეპორტაჟზე მუშაობაც დავამთავრეთ. პროექტის ბოლოს აუცილებლად დავწერ როგორ ჩაივლის კონკურსი, ყოველ შემთხევაში გამარჯვებულისთვის დაწესებული ნეთბუქი, i-pod და დანარჩენი ჯგუფების საკმაოდ მაღალი კონკურენტუნარიანობა მოტივაციის მიზეზს ნამდვილად გვაძლევს:) აი ჩვენი ფოტოსესიის სურათებიც
ამ პოსტის ინსპირაცია გამოიწვია http://sheet.ge/ ზე გამოქვეყნებულმა პოსტმა ”100 რამ, რაც უნდა გააკეთო სიკვდილამდე”.რატომღაც უეცრად მეც მომინდა დამეწერა სულ მცირე 20 სიგიჟე ,რასაც თუ არ განვახორციელებდი, გავიფიქრებდი მაინც:) ეჭვი მაქვს, ამ სურვილების ასრულებამდე,საკმაოდ დიდ ხანს მომიწევს ცხოვრება:)That’s great:)
სმაილს წინასწარ დავწერ და ყველა ჩამონათვალთან იგულისხმეთ,აი სმაილიც:)
მოკლედ იხილეთ 20 რამ,რის გაკეთებასაც ვისურვებდი სიკვდილამდე:
1. ეიფელიდან გადმოვხტე პარაშუტით
2. გავაკეთო 100 აზიდვა ცალი ხელით
3.დავწერო რომანი ”როგორ დავიკიდოთ ბიჭი 7 დღეში”
4.ჩავყვინთო აკვალანგით
5.ავძვრე პირამიდაზე
6.შევჭამო კენგურუს ხორცის მწვადი
7.ვიცურაო ვეშაპთან ერთად
8.მონაწილეობა მივიღო ბრაზილიურ კარნავალში
9.მოვწიო სიგარა კუბაში
10. ვიცეკვო ტანგო არგენტინაში
11. ავძვრე ანთებულ ვულკანზე
12. სერენდა უმღერო შეყვარებულს ელექტრო და დასარტყამი ინსტრუმენტებით და თავი ვაგინებინო მის მეზობლებს 🙂
13.საჩუქრად მივიღო 1000 ვარდი
14.საჰარაში ვისერნო აქლემით
15.წავიდე სანადიროდ აფრიკაში
16. გადავკვეთო საზღვარი ველოსიპედით
17.მონაწილეობა მივიღო flash-mob ში
18.მოვყვე ჩემი წარუმატებელი სასიყვარული ისტორიები მაია ასათიანის ”პროფილში”
19.ვიფრინო 100 000$ იანი ბიზნეს კლასით
20.ვისეირნო წყლის ველოსიპედით კარიბის ზღვაში
და თქვენ რის გაკეთებას ისურვებდით:)
მზე,ზღვა და არჩევანი..სად და როგორ დავისვენო? მემგონი ეს კითხვა ჩემს გარდა როგორც მინიმუმ მთელ თბილისს უნდა აწუხებდეს.მიუხედავად იმისა,რომ შვებულება არ მეკუთვნის,აგვისტოს ცხელ weekend ბს სიამოვნებით დავგეგმავდი ზღვისპირეთში.
ეხლა მეორე საკითხი სად დავისვენო? იხილეთ ჩემი მსჯელობა:)
სულ ახლახანს აღმოვაჩინე ახალი მშვენიერი ალტერნატივა ბათუმში დასვენების,Boombully beach hostel
http://www.facebook.com/boombullybeach
ეხლავე ვიტყვი რატომ შევაჩერე არჩევანი ბუმბული ჰოსტელზე და საერთოდაც ჰოსტელზე
1.დავიწყებ პრიორიტეტებით ,ესეიგი: იაფია სასტუმროსთან შედსარებით ,ერთი ღამე ჯდება 35 ლარი ,აღჭურვილია უფასო wi-fi ინტერნეტით ნაქირავები ბინისგან განსხვავებითJ და არის ზღვასთან ძალიან ახლოს,ზუსტად შერატონის წინ
2. როგორც გავიგე ამ ჰოსტელში მუდმივად ისვენებენ უცხოელი ტურისტები,ეს ძალიან კარგი საშუალებაა ახალი მეგობრების შესაძენად და დროის მხიარულად გასატარებლად.
მაგ:ბუმბულის უცხოელ ტურისტებს დავათვალიერებინებ ბათუმს,გავასინჯებ აჭარულ ხაჭაპურს,ხინკალს და ქოთნის ლობიოს მაზიანზე ვათამაშებ ჯოკერს და გაცურობანას და წაგებულს შევაწვევინებ მწვადებს ბარბიუქუსთვის:)
3.რაც შეეხება კომფორტს ,ჰოსტელში დაბინავება მოსახერხებელია ყველა ტიპის ადამიანისთვის,როგორც კომფორტის ასევე თავგადასავლების მოყვარეებისთვის.
ვისაც ურჩევნია private room,ბუმბულში ამის შესაძლებლობაც არის,ეს მხოლოდ თქვენს არჩევანზეა,თუმცა დორმში ცხოვრებაზე უარის თქმით,ბევრ მხიარულ თავგადასავალს და პრიკოლს ’’გამაზავთ’’:)
4. სასტუმროში თქვენ არ გექნებათ იმის საშუალება,ქართველ და უცხოელ მეგობრებს კვერცხი ჩაუსხათ ფეხსაცმელში ან ძაფის გორგალი გამოქაჩოთ მათი ლოგინიდან, და თუკი თქვენ მსგავსი ხუმრობები არ გიზიდავთ , შეგიძლიათ ჰოსტელის dorm დან გადაინაცვლოთ private room ში:)
5. სულაც არ არის აუცილებელი ძვირადღირებულ სასტუმროში დაისვენო ,ბოლოსდაბოლოს ზღვაზე ხარ,ჟურნალ გაზეთების საკითხავად ხომ არ გინდა ბათუმი?პირადად მე მაინც დილიდან საღამომდე გასული ვარ,დილას პლაჟზე,შემდეგ გარეთ ვსაუზმობ,საღამოს 5 დან ისევ პლაჟი და მზის ჩასვლა ,შემდეგ კი კლუბები გვიანობამდე,ამიტომ ნაკლებ საჭიროდ ვთვლი დიდი თანხის გამოყოფას ბიუჯეტიდან სასტუმროსთვის:),მით უფრო როდესაც მიყვარს ახალი მეგობრების შეძენა ,ხალხმრავლობა და პრიკოლების მთავარ გმირად ყოფნა:):)
6. რატომ ვფიქრობ რომ ჰოსტელი ბევრად ჯობია ბინის ქირაობას?ბინის ქირაობის-მოსალოდნელი შედეგი შეიძლება იყოს ის,რომ არ გაქვს wifi,ან უკეთესი 🙂 მასპინძელი გასაღებს ვერ ან არ გაძლევს:) და შესაბამისად არაკომფორტულად მოძრაობ
7. კიდევ ერთი პრიორიტეტი- არავისთან არ გიტყდება და გეუხერხულება გვიან დაბრუნება,ნაქირავები და ნათესავის ბინისგან განსხვავებით:)
8. ეს არის ადგილი სადაც არაჩვეულებრივად დაისვენებ და გაერთობი მაშინაც კი თუ მარტო ხარ და მეგობრების გარეშე
9.თუ გარეთ გასვლა გეზარება,საღამოს ქართველ და უცხოელ dorm ბთან და არა dorm ბთან ერთად შეიძლება ივენთის მოწყობა,ბარბიქიუ,სასიამოვნო მუსიკა,ბარში დალევა,კარაოკე,ცეკვის კონკურსი:)
10.და ბოლოს რატომ უნდა დაისვენოთ ბათუმის boombully beach hostel ში?
თქვენს გემოზე დაისვენებთ,კარგად გაერთობით ,ფულს დაზოგავთ,ზღვასთან ახლოს -შერატონის წინ იცხოვრებთ,ბევრ ქართველ და უცხოელ მეგობარს შეიძენთ და რაც მთავარია ძალიან მაგარი მასპინძლები გეყოლებათ:)
ეს აქცია სამედიცინო უნივერსიტეტის, კერზოდ კი ჩემი დის სოფოს ორგანიზებით ეწყობა:) იმდენი იწვალა და ირბინა პარტნიორებთან და სპოსნორებთან, გაოგნებული ვიყავი ამ ენთუზიაზმით.
ეს აქცია რამდენიმე ნაწილიანია
ხვალ 7 საათზე ბეთლემის 45 ნომერში Art-cafe 11, შარდენთან სოფელ გრემის უპატრონო ბავშვთა სახლის აღსაზრდელების მიერ დამზადებული ხელნაკეთი ნივთების გამოფენა გაყიდვა მოეწყობა.უთხარით ყველას და მოდით,თუ არაფერს შეიძენთ ცოტას განიტვირთებით მაინც:)
სანამ გამოფენა-გაყიდვა მოეწყობოდა ჩასულები იყვნენ გრემში უნივერსიტეტის თეატრალურ დასთან ერთად . უნივერსიტეტში 1 კვირით ადრე ტანსაცმელი და საკვები პროდუქტები შეაგროვეს და ბავშვებს ’’დიოგენეს’’ მიერ გამოყოფილი წიგნებთან ერთად ჩაუტანეს .
ძალიან დიდი მადლობა ყველას ვინც არ დაიზარა ბავშვების დახმარება.ჟურნალებს, გაზეთებს, კამპას ,რომელაც 40 ლიტრი წვენი გამოყო ბავშვებისთვის,დიოგენეს, ბარამბოს, ესტეთიკ სერვისს, რომელიც ფულით ეხმარება.რავიცი ,როგორც ჩანს ბევრი კეთილი ადამიანი არსებობს ამ ქვეყნად:)
მოკლედ ვისაც გინდათ კეთილი საქმის კეთება,განტვირთვა და სასიამოვნო გარემო,ხვალ ყველას გელოდებით საღამოს 7 ზე Art-Cafe 11 ში:)
გახდი ბრენდომანი 